Ջոն Թոլքինի «Մատանիների տիրակալը» գրքերի հիման վրա նկարահանվող ֆենթզի սերիալի առաջին եթերաշրջանն ամերիկյան Amazon Studios ընկերության համար կարժենա 465 միլիոն դոլար, այս մասին գրում է The Hollywood Reporter-ը:

Նախկինում նախատեսվում էր 500 միլիոն դոլար ծախսել շոուի մի քանի եթերաշրջանների ստեղծման վրա:

Նոր Զելանդիայի տնտեսական զարգացման և զբոսաշրջության նախարար Ստյուարտ Նաշը Morning Report-ին հաստատել է, որ Amazon-ը մտադիր է ծախսել 465 միլիոն դոլար:

«Դա ֆանտաստիկ է, դա իսկապես այդպես է․․․ Սա կլինի երբևէ արված ամենամասշտաբային հեռուստասերիալը», – ասաց նա:

Բացի այդ, այս թվերը հրապարակվել են Նոր Զելանդիայի կառավարության պաշտոնական տեղեկատվությունների մասին օրենքի համաձայն: Ըստ հրապարակված փաստաթղթերի՝ ստուդիան պատրաստվում է սերիալի հինգ եթերաշրջան նկարահանել Նոր Զելանդիայում:

ԱԺ «Լուսավոր Հայաստան» խմբակցության ղեկավար Էդմոն Մարուքյանը գրառում է արել ֆեյսբուքյան էջում՝ անդրադառնալով խորհրդարանի ընդունած՝ պայմանագրայինների տարիքային շեմը միջինում 5 տարով բարձրացնելու նախագծին, որի հեղինակը իր ղեկավարած խմբակցությունն է։

«Արտագնա աշխատանքի մեկնելու փոխարեն պատերազմի բովով անցած մեր եղբայրները կկարողանան շարունակել պայմանագրային զինվորական ծառայությունը՝ պաշտպանելով մեր սահմանները:

ԱԺ-ն ամբողջությամբ ընդունեց «Զինվորական ծառայության և զինծառայողի կարգավիճակի մասին» օրենքում փոփոխությունների Լուսավոր Հայաստան խմբակցության նախագիծը, որով պայմանագրային զինծառայության տարիքային շեմը կավելանա միջինը 5 տարով։

Պայմանագրային զինծառայության մեջ գտնվելու սահմանային տարիքը առաջարկվում է սահմանել շարքային, կրտսեր և ավագ ենթասպայական կազմի համար՝ 50, կրտսեր սպայական կազմի համար՝ 48-52, ավագ սպայական կազմի համար՝ 50-55, գնդապետի համար՝ 55-58, ավելի բարձր կոչումների համար՝ 63»,-գրել է Մարուքյանը:

ՌԴ ժողովրդական արտիստ Սերգեյ Բեզրուկովը սրտի կաթված է ունեցել հենց բեմում՝ ելույթի ժամանակ։

Այս մասին պատմել է նրա մտերիմ ընկերն ու «Բրիգադա» սերիալի գործընկեր Դմիտրի Դյուժեւը՝ «Мой герой» հաղորդաշարի ժամանակ։

«Սերյոժան կարող է մեռնել հանդիսատեսի աչքի առաջ։ Նա նույնիսկ սրտի նոպա է ունեցել բեմի վրա, քանի որ նա այդ ամենի մեջ է եւ պակասին չի համաձայնվում», — հայտարարել է Դյուժեւը:

Դյուժեւի խոսքով՝ դերասանն ապրում է աշխատանքով։ Բեզրուկովն իր աշխատանքին այն աստիճան է տրվում, որ խաղի ընթացքում ոչ մի բանի վրա ուշադրություն չի դարձնում: Նա այնքան է մտնում իր կերպարների մեջ, որ նույնիսկ «աչքերն են փոխվում»:

Բեզրուկովը սիրում է կինոն, բայց այնուամենայնիվ, թատերական բեմը նրա համար հատուկ կախարդանք է: Ընդ որում, ֆիլմերի համեմատ, ներկայացումները գրեթե եկամուտ չեն բերում արտիստին։ Բայց նա շարունակում է խաղալ բեմում։

«Թատրոնը հոգու վիճակն է եւ ինչ-որ խենթություն։ Գործընկերներով մենք ապրում ենք այդ արվեստով», — մեջբերում է Դյուժեւի խոսքը МК-ն։