Connect with us

Բլոգ

«Դե որ տաշի-տուշի է արել, մի 3-4 սելֆի էլ արած կլինի, էլ ինչի՞ է ժողովրդից նկար հավաքում»․ Հովհաննես Գրքիկյանի որդին՝ Գյումրու քաղաքապետին

Published

on

Գյումրու քաղաքապետ Սամվել Բալասանյանն ավագանու վերջին նիստի ժամանակ, երբ քննարկում էին Գյումրու բյուջեից փաստաբանական ծառայությունից օգտվելու համար 2 միլիոն 700 հազար դրամ հատկացնելու հարցը, բավական մտահոգ ու բորբոքված ելույթ ունեցավ։ Նա պարզաբանեց, որ այս գումարն անհրաժեշտ է այն պատճառով, որ Հովհաննես Գրքիկյանը 54․000․000 դրամ է պահանջում Գյումրու աղքատ բյուջեից։ Հովհաննես Գրքիկյանը Գյումրու քաղաքապետարանի նախկին պաշտոնյաներից է․ Վարդան Ղուկասյանի օրոք զբաղեցրել է բնակկոմունալ և շրջակա միջավայրի բաժնի պետի պաշտոնը։ Մի քանի տարի է՝ դատական վեճեր են սկսվել Հովհաննես Գրքիկյանի ազգակիցների ու Գյումրու քաղաքապետարանի միջև, որը կապված է Գրքիկյաններին պատկանող «Դվին» հանդիսությունների սրահի հետնամասում կառուցված սպասարկման օբյեկտի հետ։ Գյումրու քաղաքապետարանը Բորյան փողոցի 0․073648 հա հողամասում բնակելի մասով առևտրի և սպասարկման երկու հարկանի օբյեկտի շինարարության ավարտից հետո շահագործման ակտ չի տրամադրել։ Սեփականատերերն էլ, որոնք Հովհաննես Գրքիկյանի ազգակիցներն են, դատի են տվել Գյումրու քաղաքապետարանին՝ պահանջելով վնասի փոխհատուցում, որը կազմում է 54․000․000 դրամ։

Այս պահին վարչական դատարանում դատական նիստեր են ընթանում։ Սեփականատերերը պատճառաբանում են, որ   Գյումրու քաղաքապետարանը շահագործման ակտ չի տրամադրել, իրենք չեն կարողացել սեփականության վկայական հանել, գույքն օգտագործել, շահույթ ստանալ։ Այժմ էլ քաղաքապետարանը պարտավոր է  վնասի հատուցում տալ։ Սամվել Բալասանյանն էլ պնդում է, որ առանց շահագործման թույլտվության էլ  այդ կառույցը 2013-2017 թվականներին ապօրինի գործել է, այնտեղ  քաղաքի ամբողջ բնակչությունը խաշ, ճաշ է կերել, տաշի-տուշի է արել, անգամ տաշի-տուշի արել է ինքը։ Այնպես որ, ըստ նրա,  Գրքիկյանը, որը տեր է կանգնել ամբողջ քաղաքին, ուզում է վնաս հասցնել։

Հովհաննես Գրքիկյանի որդին՝ Հովսեփ Գրքիկյանն,  այսօր  պարզաբանումներ ներկայացրեց Aravot.am-ին՝ հակադարձելով Գյումրու քաղաքապետին։ Հովսեփ Գրքիկյանը վստահեցնում է, որ Բորյան փողոցում գտնվող կառույցը տարիներ շարունակ չի գործել, որովհետև այդպես է ցանկացել Գյումրու քաղաքապետ Սամվել Բալասանյանը։ Ըստ նրա,  եթե շահագործվեր,  գրանցված կլիներ հարկայինում, մինչդեռ ավարտական ակտ չեն ունեցել ու իրավունք չեն ունեցել շահագործման։ Բացի այդ, ըստ նրա, եթե շահագործած լինեին, հոսանքի, գազի վարձավճար կմուծեին, մինչդեռ նման բան չկա։ «Այդ օբյեկտը ունի սեփականատերեր՝ Արմեն Մովսիսյանն ու Անահիտ Գրքիկյանն են, նա իմ հորեղբոր աղջիկն է։ Իրենք են հայց ներկայացրել քաղաքապետարանի դեմ՝ 54 միլիոն դրամի վնասի փոխհատուցման պահանջով։ «Դվին» հանդիսությունների սրահը և նշված օբյեկտը իրար հետ կապ չունեն։ «Դվին»-ը Շիրակացի 11/1 հասցեում է գտնվում, մյուսը՝ Բորյան փողոցում, տարբեր հասցեներում են գործում։ Բորյան փողոցում գտնվողն ունի իր անվանումը, առաջին հարկը կոչվում է «Հեքիաթ»․ մանկական ոճի է կառուցված, երեխեքի համար է, իսկ երկրորդ հարկը բացվելուց հետո «Վասպուրական» են անվանել․ հին փայտից է սարքած։ «Դվին»-ը 2008 թվականից է գործում, բոլորը մտել-ելել են, գիտեն, իսկ այդ օբյեկտը «Դվին»-ի կառուցումից  տարիներ անց է  կառուցվել Արմենի կողմից։ Արմենը կանգնել է խնդիրների առաջ։ Կառուցեց, բայց քաղաքապետարանը շահագործման թույլտվություն չէր տալիս՝ առանց որևէ հիմնավոր պատճառի։ Գյումրու քաղաքապետը, որ ասում է, թե բնակիչներն են բողոքել, դրա համար չի տվել  շահագործելու թույլտվություն, կասի՞՝ որտեղ է այդ բողոքը։ Ես էլ ասում եմ, որ 500 կիլոգրամ շտանգա կարող եմ հանել, ասելն այլ բան է, փաստաթուղթը ներկայացնելն՝ այլ։ Համարյա 4-5 տարի է՝ դատավարություն է ընթացել, հասել է մինչև Վճռաբեկ դատարան, եթե կար նման բողոք, ոնց որ ոչ մի դատավոր, ոչ մի փաստաբան էդ բողոքը չեն տեսել»։ Մեր հարցին՝ կոնֆլիկտներ ունե՞ք քաղաքապետ Բալասանյանի հետ, Հովսեփ Գրքիկյանը պատասխանեց․ «Ո՛չ առաջ ենք կոնֆլիկտ ունեցել, ո՛չ էլ հիմա, ես չգիտեմ չթույլատրելու միտումը»։ Մեր դիտարկմանը՝ Սամվել Բալասանյանը նեղված է քաղաքի թշվառ բյուջեից 54 միլիոն դրամ պահանջելու համար, Հովսեփ Գրքիկյանն ասաց․ «Կներեք, մի բան ասեմ, որ ասում են՝ քաղաքի թշվառ բյուջե, ես տեսել եմ այդ ավագանու նիստը, ավագանու անդամներից 80 տոկոսին ճանաչում եմ, նորմալ-կրթված մարդիկ են, բայց այդ անդամներից մեկի մտքից արդյոք չանցա՞վ քաղաքապետին հարցներ, թե դու նախ ինչո՞ւ ես այս պատմությունը բերել-հասցրել էս վիճակին։ Ասում ես բողոք է եղել բնակիչներից, չես թույլատրել շահագործման, ո՞ւր է այդ բողոքը։ Երկրորդը՝ ասում ես թշվառ բյուջե, 2 միլիոն 700 հազար դրամ փաստաբան վարձելու համար ինչո՞ւ ես բյուջեից փող հանում, երբ որ քաղաքապետարանն ունի իրավաբանական բաժինը, որի  աշխատակիցները վարձատրվում են։ Էդ թշվառ բյուջեն մենակ Արմենի վրա է ազդո՞ւմ, իր վրա չի ազդո՞ւմ, որ 2 միլիոն 700 հազար դրամ է հանում չգիտես ինչի համար, որի ծառայությունները քաղաքապետարանի իրավաբանական բաժինը լրիվ ունի»։ Մեր զրուցակիցն անդրադարձավ նաև Սամվել Բալասանյանի այն հայտարարությանը, թե բոլորն էլ այնտեղ տաշի-տուշի են արել, կառույցն ապօրինի աշխատել է։ «Ինքն ասում է, որ հենց ես տաշի-տուշի արել, եթե ինքը «Դվին»-ում տաշի-տուշի է արել, էդտեղ կարող է,  որովհետև «Դվին»-ն այլ բան է, էն մյուսն՝ այլ բան։ Իսկ եթե էդ կողքի ռեստորանն ինքը տաշի-տուշի է արել, ինչի՞ է ընկել քաղաքացիներից նկարներ կամ չգիտեմ ինչեր է հավաքում, որ դատարան ներկայացնի։ Դե որ տաշի-տուշի  է արել, մի 3-4 սելֆի էլ արած կլինի, թող առաջինը ինքն իր նկարները, ապացույցները ներկայացնի, որ ինքը էդտեղ եղել է, նոր ժողովրդից պահանջի։ Գյումրեցին մի լավ խոսք ունի, ասում է՝ եթե սոխ չես կերել, սիրտդ չպիտի մռմռա չէ՞, ինչի՞ է ընկել դռնեդուռ, պատեպատ, եթե ինքը ճիշտ է, օրինական էս ամեն ինչն արել է, ինչի՞ համար է  էս ամեն ինչը»,- ասաց Հովսեփ Գրքիկյանը։ Մեր դիտարկմանը, թե Գյումրու քաղաքապետարանի իրավաբանական բաժնից պնդում են, որ թեև քաղաքապետարանը չի տվել շահագործման իրավունք, սակայն «Դվին» հանդիսությունների սրահի ՖԲ էջում հենց այդ ընթացքում տեղադրվել է գովազդային տեսանյութ, որտեղ Գյումրի քաղաքի բնակիչներին հրավիրում են օգտվել հետնամասի հյուրասրահներից, հաճելի ժամանակ անցկացնել, Հովսեփ Գրքիկյանն ասաց․ «Էդտեղ չորս հոգանոց միջոցառում անելու տեղ չէ կամ երեք հոգանոց բանկետնի չէ, դա մեծ խնջույքների համար է։ Եթե ռեստորանն աշխատել է մոտավորապես 3-4 տարի, արդյո՞ք  հարկայինից կամ այլ կառույցներից մի հոգի չեղա՞վ, որ էդտեղ հարսանիքի, ծննդի կամ կնունքի մասնակցեր, գար, ձևի համար սեփականատիրոջը՝ Մովսիսյան Արմենին, 50 հազար դրամ տուգաներ, ասեր՝ դու հարկային չես մուծել, կամ լույսի, գազի վարձավճար չես մուծել, բայց արարողություն ես անում։ Տրամաբանության մեջ կա՞ նման բան, կամ եթե  Արմենն աշխատեցնում է այդ օբյեկտը, եթե 100 հոգի հյուրընկալվեցին, ինքը հարյուր հոգուն էլ ճանաչո՞ւմ է, կարող է հյուրընկալվածներից մեկն էլ Երևանի ընդհանուր հարկայինի պետը լինի միջոցառմանը․․․»։ Գյումրու քաղաքապետ Սամվել Բալասանյանն ավագանու նիստի ժամանակ անդրադարձել էր նաև Գրքիկյաններին պատկանող մեկ այլ՝ «Անի» ռեստորանին՝ նշելով, որ այն ևս ապօրինի է աշխատում։ «Անի» ռեստորանն էլ գտնվում է քաղաքի պատմական միջուկում՝ տիկնիկային թատրոնի անմիջական հարևանությամբ։ Հովսեփ Գրքիկյանն ասաց․ «Անի ռեստորանը երկու տարի գործում է, ինքը ելել, հայտարարություն է տարածել, որ «Անի» ռեստորանն ապօրինի շինություն է։ Հիմի թող դիմում գրի հարկային,  տեսնեն ապօրինի է աշխատո՞ւմ, թե՞ ոչ։ Եթե ապօրինի աշխատում է, նշանակում է՝ հարկայինում գրանցված չպիտի լինի,  գրանցված աշխատող չպիտի ունենանք։ Ամեն երեկո, որ չասեմ ամեն օր, բայց  չորս-հինգ օրը մեկ մարդիկ ուղիղ եթերով քեֆ են անում։ Արդյո՞ք հարկայինը փղի ականջում քնած է, չի տեսնում այդ ամենը, որ գա, բռնի, տուգանի, փակի ռեստորանը․․․»։ Հովսեփ Գրքիկյանը զարմանում է, որ քաղաքապետ Սամվել Բալասանյանը  ուրախանալու փոխարեն, որ քաղաքում ներդրումներ են կատարվում, աշխատեղեր են ստեղծվում, ընկնում է բիզնեսի հետևից։ «Իրենը գիտեք ո՞րն է, էն որ ասում են՝  իմ դարդս, ցավս ինձ քիչ է, հարևանս «Մերսեդես» առավ։ Էսօր, եթե մեր քաղաքի մեջ օբյեկտ է բացվում, թեկուզ 5 քառակուսի մետրանոց կոշկակարի բուտկա, ես ուրախանում եմ, որովհետև էդ ընտանիքն էդ օրը թեկուզ հազար դրամ տուն է տանում, էրեխեքին հացի խնդիր է լուծում»։ Մեր հարցին՝ հնարավո՞ր է հայցը հետ վերցնենք վարչական դատարանից, Հովսեփ Գրքիկյանն ասաց․ «Մենք դատական պրոցեսը շարունակելու ենք, սեփականատերն՝ Արմենը, մեծ վնասներ է կրել,  54 միլիոն դրամն էլ կգնա մեր բանակին ու զոհված զինվորների ընտանիքներին»։ Հովսեփ Գրքիկյանն անդրադարձավ նաև իր հոր՝ Հովհաննես Գրքիկյանի՝ ասֆալտի գործով կալանավորմանը, որի մասին, ըստ նրա, ևս խոսել են Գյումրու քաղաքապետարանում։ Հիշեցնենք, որ Հովհաննես Գրքիկյանի դեմ քրգործ էր հարուցվել դեմ  Գյումրու քաղաքապետարանի բյուջեից փողոցների ասֆալտապատման նպատակով 80 միլիոն դրամ «Գյումրեցի ընկերներ» կազմակերպությանը փոխանցելու համար, որը սակայն, ըստ քրեական գործի, նպատակին չէր ծառայել։ «Որ ասում են Հովհաննես Գրքիկյանը նստել է, ճիշտ է՝  նստել է, բայց գործը կարճվել է, Հովհաննես Գրքիկյանի վրա թեկուզ 100 դրամի յուրացում, քիչ ասֆալտ անել և այլն, չի եղել։ 11 ամիս պահել են Գրքիկյան Հովհաննեսին, գործը քննչական խումբ էր քննում, ոչ թե մի քննիչ։ Եկել են, ուսումնասիրել են ասֆալտած բոլոր տարածքները, ակտի մեջ գրած է եղել, ասֆալտը պիտի լիներ 3 սանտիմետր, տասը տեղից նմուշներ են վերցրել, եղել է 3 սանտիմետր ու կես,  որտեղ որ անհրաժեշտ է եղել ասֆալտապատել, ասֆալտապտվել է,  պահանջվել է 100 քառակուսի մետր ասֆալտ, արել են 100 կամ 110 քառակուսի մետր։ Բնակիչներից ցուցմունք են վերցել, որ փողոցները ասֆալտապատվել են՝ նորմալ, դրա համար էլ քննչականը գործը կարճել է, նույնիսկ դատարան չի գնացել»,- ասաց Հովսեփ Գրքիկյանը։

Continue Reading
Click to comment

Leave a Reply

Your email address will not be published.

Բլոգ

Որոշ պարզաբանումներ Քրիստոսի արձանի թեմայով. Գագիկ Ծառուկյան

Published

on

Գագիկ Ծառուկյանն իր ֆեյսբուքյան էջում գրում է․«Օրեր առաջ Քրիստոսի արձանը կառուցելու իմ ընտանիքի նախաձեռնությունը հանրային լայն արձագանք ստացավ։Շատերն աջակցեցին, ինչի համար հայտնում եմ իմ երախտագիտությունը, շատերն առարկեցին՝ բերելով փաստարկներ, այդ թվում հիմնավոր։ Պարզ չարախոսներին չեմ անդրադառնա։ Դա անհետաքրքիր է, բայց սրտացավ փաստարկներին իմ պարտքն եմ համարում անդրադառնալ։Եվ այսպես.Ոմանք ասում են Հայաստանի համար այս դժվար պայմաններում արդյո՞ք ամենակարևորն արձանն է։ Մի՞թե այլ խնդիրներ չկան։Պատասխանեմ. Իհարկե կան ու դրանք շատ են։ Բայց արդար է նաև ընդունել, որ դրանց լուծումներից ես երբեք անմասն չեմ մնացել, արել և անում եմ ինձնից կախված ամեն բան։Ավելի հիմնավոր լինելու համար ներկայացնեմ փաստեր.Մարդիկ կարիք ունեն բնակարանների. 2018-ից սկսել եմ խոշոր սոցիալական բնակարանաշինության ծրագիր։ Մի ծրագիր, որի շնորհիվ հազարավոր մարդիկ կարող էին նոր տուն ձեռք բերել շատ մատչելի գներով՝ չմտածելով պարտքի կամ ծանր վարկերի մասին։Այդ ծրագիրը հասարակ մարդկանց համար էր, տուն ունենալու նրանց երազանքների իրականացման համար։ Եվ ի՞նչ. ստեղծվեցին արհեստական խոչընդոտներ և սոցիալական բնակարաշինության ծրագիրն անհեթեթ պատճառաբանությամբ կասեցվեց։Մարդիկ կարիք ունեն աշխատանքի. Որպեսզի հնարավոր լինի մարդկանց ապահովել աշխատանքով, պետք է կառուցվեն նոր գործարաններ, նոր ձեռնարկություններ, բացվեն նոր աշխատատեղեր։ Կարող եմ թվարկել ձեռնարկությունների ցանկը, որոնք ես փորձել եմ կառուցել, որոնց կառուցումը սկսել էի, բայց որոնք արհեստական ստեղծված խոչընդոտներով չեն իրականացվել։Հայաստանին պետք են օտարերկյա ներդրումներ. Այո՛, իհարկե պետք են, օդ ու ջրի պես։ Ոչ ոք Հայաստանում չի ուզում ներդրում անել, իսկ առանց դրա տնտեսության զարգացում հնարավոր չէ։ Իմ հեղինակությամբ, իմ կապերով Հայաստան եմ բերել խոշոր ներդրողների, ովքեր պատրաստ էին աննախադեպ լուրջ գումարներ ներդնել։ Ո՞վ լուրջ զբաղվեց, ո՞վ աշխատեց հետները, ո՞վ մի հարցով օգտակար եղավ։ Ինչ տեսան այդ մարդիկ՝ անլուրջ վերաբերմունքն էր ու էժան հումորի փորձերը։ Նրանք էլ թողեցին գնացին։Հայաստանում պետք է զարգացնել տուրիզմը. Հեղինակավոր միջազգային հյուրանոցային ցանցերի մուտքը պետություն՝ կարևոր քայլերից է երկրի տուրիստական կշիռը բարձրացնելու համար։ Իմ կապերով, իմ խոսքի վստահության վրա՝ Հայաստան եմ բերել ամենալուրջ հյուրանոցային ցանցերից մեկին:Սկսվել է շինարարությունը, որն արդեն երկու տարի է մի արհեստական, ծիծաղելի պատճառաբանությամբ կասեցված է։Ասեք խնդրեմ՝ ավել ես ի՞նչ կարող էի անել, որ չեմ արել։Տասնյակ հազարավոր մարդիկ բուժվել, կրթվել են «Ծառուկյան հիմնադրամի» միջոցներով։ Մշակութային բազմաթիվ միջոցառումներ, փառատոններ իրականացվել են «Ծառուկյան հիմնադրամի» միջոցներով, մարզական բազմաթիվ փառահեղ հաղթանակներ հնարավոր են եղել իմ ուղղակի աջակցության շնորհիվ։ Հազարավոր ընտանիքների նեղ օրին ձեռք է մեկնել իմ ընտանիքը։ Կառուցվել և վերանորոգվել են դպրոցներ, մանկապարտեզներ, մարզադպրոցներ։ Ուրանա՞նք սա։Չեմ պատասխանի մի հարցադրման՝ արձանի փոխարեն օգնեիք բանակին կամ Արցախին։ Թե որքանով եմ կարողացել օգտակար լինել թե՛ մինչև պատերազմը, թե՛ պատերազմի ընթացքում, բարձրաձայն ասելու թեմա չէ։ Ես ինձ դա թույլ չեմ տա։ Բայց Հայաստանում և Արցախում կան մարդիկ, ովքեր դա շատ լավ գիտեն։Առանձին կուզեմ անդրադառնալ հոգևորականության որոշ հարցադրումների։Խորապես հարգելով հայ առաքելական եկեղեցու կանոնները և մեր եկեղեցու դերն ու նշանակությունը հայ ժողովրդի կյանքում՝ մշտապես եղել եմ մեր եկեղեցու կողքին։ Տարիների ընթացքում կառուցել եմ յոթ և վերակառուցել եմ մոտ երկու տասնյակ եկեղեցի։ Աջակցել եմ աշխարհով մեկ սփռված հայկական եկեղեցիներին՝ դրանք կանգուն պահելու և կապը հայկական համայնքների հետ ամուր պահելու համար։Քրիստոսի արձանը եկեղեցի չէ։ Այն հուշարձան է, որը կարող է վեր հառնել բարձունքին որպես ճարտարապետական կոթող։ Ես պատրաստ եմ քննարկել մեր եկեղեցու հետ, լսել առաջարկները և խորհուրդները։ Արձանի նախագծի համար հայտարարվել է մրցույթ։ Թող մասնագետները, ճարտարապետները ներկայացնեն հետաքրքիր լուծումներ, հետաքրքիր գաղափարներ, թող լինի բաց քննարկում, թող լինի հանրային քննարկում։ Թող սա իսկապես լինի մտքի, գաղափարի մրցույթ։ Որևէ վատ բան կա՞ այստեղ։Ասում են նաև, որ այն կարող է դառնալ միայն տուրիստական հետաքրքրության կոթող։ Ինչ կդառնա՝ կորոշի մարդը, հայը, քրիստոնյան, հյուրը։ Իսկ ի՞նչ վատ բան կա, որ այդ արձանը օգնի տուրիստական հոսքերի մեծացմանը դեպի մեր երկիր։Արդյո՞ք տուրիստական հոսքեր ապահովելը մեր պետության շահի մեջ չի մտնում։ Տեղեկացնեմ նաև, որ այլ երկրներում արդեն խանդով են վերաբերվել այս գաղափարին՝ համարելով, որ Հայաստանը կարող է քրիստոնյա աշխարհի կողմից մեծ հետաքրքրություն ստանալ։Ամփոփելով ուզում եմ կրկին շնորհակալություն հայտնել գաղափարի աջակիցներին և նրանց, ովքեր փաստարկված առարկություններով էին հանդես եկել։ Հուսով եմ իմ բացատրությունները համոզիչ էին։Քրիստոսի արձանը կառուցելը իմ ընտանիքի ցանկությունն է։ Այն երկրում հույսի արթնացման, լույսի և վերելքի խորհրդանիշ կդառնա, որի կարիքը մեր պետությունը և հայ ժողովուրդն անկասկած ունի։Իսկ ինչ վերաբերում է մեր երկրի տնտեսությունը զարգացնելուն, կարիքավորներին օգնելուն, Արցախի կողքին կանգնելուն, բարեգործություն անելուն, դպրոց ու մանկապարտեզ կառուցելուն, ապա միշտ արել եմ և այսուհետ նույնպես անելու եմ։ Այն չի գալիս փոխարինելու մյուս ծրագրերին։Աստված պահապան մեզ բոլորիս…»

Continue Reading

Բլոգ

Հայտնի է, ում հետ է ամուսնանալու Սուրեն Պապիկյանը (լուսանկար)

Published

on

ունվարի 22-ին «Փարավոն» ռեստորանային համալիրում տեղի է ունենալու ՀՀ պաշտպանության նախարար Սուրեն Պապիկյանի հարսանիքը։ ArmDay.am-ին հայտնի դարձավ, որ պսակադրությունը կայանալու է Գեղարդում։ Ներկա են լինելու իշխանության ներկայացուցիչներ, ինչպես նաև ընդդիմադիր որոշ գործիչներ։ Նիկոլ Փաշինյանն էլ ընտանիքի հետ հրավիրված է։

Սուրեն Պապիկյանի ընտրյալը նրա նախկին խոսնակն է։ Խոսքը՝ Արմինե Մուրադյանի մասին է, ով աշխատում էր Տարածքային կառավարման և ենթակառուցվածքների նախարարությունում, երբ Պապիկյանը այդ գերատեսչության ղեկավարն էր, և կատարում էր նրա խոսնակի պարտականությունները։ Նախորդ տարի, դեկտեմբերի 29-ին Արմինե Մուրադյանը հայտնել էր, որ այլևս չի աշխատում Տարածքային կառավարման և ենթակառուցվածքների նախարարությունում։

Continue Reading

Բլոգ

124 չվերթ է չեղարկվել` ձյան առատ տեղումների պատճառով. Ճապոնիա

Published

on

Առնվազն 124 ներքին չվերթ է չեղարկվել Ճապոնիայում ձյան առատ տեղումների պատճառով, հաղորդում է NHK-ն։

Բացի այդ, երկաթուղու գծերի վրա գոյացած ձնակույտի պատճառով դադարեցվել է 427 գնացքների երթեւեկությունը։

Ճապոնիայի մի շարք հյուսիսային շրջաններում վերջին մեկ օրում տեղացել է մինչեւ 70 սմ ձյուն, գրանցվել են ուժեղ քամիներ՝ մինչեւ 40 մ/վ արագությամբ։ Վատ եղանակային պայմանները կպահպանվեն մինչեւ հունվարի 14-ը։

Continue Reading

Բլոգ

Երևանում 26 ամյա երիտասարդը փախցրել է 5 ավտոմեքենա ու բռնվել

Published

on

Անցած տարվա դեկտեմբերի 30-ին ոստիկանության Մալաթիայի բաժնում օպերատիվ կառավարման կենտրոնից հաղորդում էր ստացվել, որ գիշերը Բ-2 թաղամասից «ԳԱԶ-3110» մակնիշի մեքենա են փախցրել։ Օպերատիվ խումբը մեկնել էր նշված հասցե, արձանագրել՝ երբ, որտեղից է կատարվել գողությունը։


Քրեական հետախույզները բացահայտման ուղղությամբ որոնողական աշխատանքներ էին իրականացնում, երբ հունվարի 6-ին բաժնում նոր ահազանգ ստացվեց. առևանգել էին Միքայելյան փողոցի բակերից մեկում կայանված «ՎԱԶ-2105» մակնիշի մեքենա։ Ավելին՝ որոնողական աշխատանքների արդյունքում տեղեկություններ ստացվեցին, որ հիշյալ տրանսպորտային միջոցը քարշակելով փախցրել են «ՎԱԶ-2107» մակնիշի մի մեքենայով, որը դեկտեմբերի 9-ին արդեն գողացել էին Արաբկիր վարչական շրջանի Տիգրանյան փողոցից։
Ծավալուն հետախուզական միջոցառումներից հետո պարզվեց, որ նշված մեքենաները առևանգել էր Արմավիրի մարզի Բաղրամյան գյուղի 26-ամյա մի բնակիչ։


Արդեն այս տարվա հունվարի 7-ին կասկածվողը բերման ենթարկվեց ոստիկանության Մալաթիայի բաժին։
Հետագա միջոցառումներով պարզվեց, որ նա Երևան քաղաքի Մալաթիա-Սեբաստիա, Աջափնյակ և Արաբկիր վարչական շրջաններից փախցրել է ընդհանուր 5 մեքենա, որոնք հայտնաբերվել են։
Հարուցվել է քրեական գործ։ Բերման ենթարկված տղամարդը ձերբակալվել է։
Հանգամանքները նախաքննությամբ պարզվում են։

Continue Reading

Բլոգ

«Մեր ամանորյա սեղանը եղել է շատ համեստ»․ Վահան Քերոբյան

Published

on

«Ես նման ինֆորմացիա չունեմ»,- այսօր՝ լրագրողների հետ զրույցում, անդրադառնալով կեռասի ու թզի գնի վերաբերյալ հարցին, ասաց էկոնոմիկայի նախարար Վահան Քերոբյանը։

«Մեր ամանորյա սեղանը եղել է շատ համեստ, որովհետև շատ կարճ ժամանակ ենք անցկացրել տանը և վերադարձել ենք աշխատանքի»,- նշեց նա՝ խոստանալով հետաքրքրվել՝ արդյոք նման գներ եղել են, թե ոչ։

Continue Reading

Բլոգ

Կրակոց Երևանում գործող գարեջրատներից մեկում. մատուցողուհին հրազենային վնասվածքով տեղափոխվել է հիվանդանոց

Published

on

Երեկ՝ հունվարի 11-ին, կրակոց  է հնչել Երևանում: Ժամը 23:40-ի սահմաններում «Արմենիա» բժշկական կենտրոնից ոստիկանության Մաշտոցի բաժին ահազանգ է ստացվել, որ «հրազենային վնասվածք» ախտորոշմամբ  Երևանի 103 շտապօգնության բժիշկների  21-րդ բրիգադը իրենց մոտ է տեղափոխել մի քաղաքացու:
 Ինչպես դեպքի վայրից հայտնում է shamshyan.com-ը, օպերատիվորեն ժամանել են ոստիկանության Երևան քաղաքի վարչության պետի օպերատիվ գծով տեղակալ  Արթուր Զաքարյանը, նույն վարչության քրեական հետախուզության բաժնի պետ Հովհաննես Արիստակեսյանը և ոստիկանության Մաշտոցի բաժնի պետ Անդրանիկ Շահբազյանը:

Հիվանդանոցում բժիշկները ոստիկաններին հայտնել են, որ վիավորը ի վիճակի չէ կատարվածի մասին  բացատրություն տալ:

Ոստիկանության Երևան քաղաքի վարչության քրեական հետախուզության բաժնի, ոստիկանության Մաշտոցի բաժնի քրեական հետախուզության բաժանմունքի ծառայողները օպերատիվ տվյալներով պարզել են, որ վիրավորը Երևան քաղաքի բնակիչ, 40-ամյա Գայանե Մ.-ն է, ով հիվանդանոց է տեղափոխվել Ռշտունի փողոցում գործող գարեջրատնից:

Մինչ բժիշկները պայքարում էին վիրավորի կյանքի համար, ոստիկանները դեպքի վայրում հայտնաբերել են  1 հատ 7.62 մմ տրամաչափի պարկուճ, 1 գնդակ և արնանման հետքեր:
Կայքի տեղեկություններով՝ ոստիկաններն ու քննիչները ձեռնարկած օպերատիվ-հետախուզական և քննչական հսկայածավալ աշխատանքների արդյունքում  պարզել են ենթադրյալ կասկածյալի ինքնությունը:

Continue Reading

Բլոգ

«Փաստորեն տրանսպորտի մեջ, որ մարդիկ իրար դեմքի են հազում, էդ հեչ». Անի Խաչատրյան

Published

on

Բնապահպան ակտիվիստ Անի Խաչատրյանը ֆեյսբուքյան իր էջում գրել է․ 

«Փաստորեն սննդի օբյեկտներ, թանգարաններ, մարզասրահներ ու տենց լիքը այլ տեղեր մտնելուց պատվաստման վկայագիր կամ տեստի բացասական պատասխան ա պետք, բայց տրանսպորտի մեջ, որ մարդիկ իրար վրա են հելած, իրար դեմքի են հազում, էդ հեչ։ Գնացեք մի հատ պոլիկլինիկաների վիճակը նայեք։ Կամ պատվաստված եղար ու կովիդով վարակված, մտար էդ տեղերն ու մյուսներին վարակեցիր, էդ էլ հեչ, կարևորը կապիկությունն ա, իմիտացիա ստեղծելը, թե գործ են անում, փոխանակ համակարգային խնդիրները լուծեն, սենց հեշտ ա էլի, բա չէ զահլա կա»։

Continue Reading

Բլոգ

Պաշտպանության բանակը հայտարարություն է տարածել և հերքել ադրբեջանական ստերը

Published

on

 Ադրբեջանական լրատվամիջոցներով տարածվող տեղեկությունները, որոնց համաձայն, իբր  ՊԲ-ի ստորաբաժանումները ավտոմեքենայից կրակ են բացել ադրբեջանական դիրքերի ուղղությամբ, հերթական ապատեղեկատվությունն է և չի համապատասխանում իրականությանը:

Իրականում Արցախի հանրապետության Մարտունու շրջանի Կարմիր Շուկա բնակավայրի հարակից դիրքերից, ադրբեջանցի զինծառայողները անկանոն կրակ են բացել գյուղի ուղղությամբ, ինչի հետևանքով հրդեհվել է մանկապարտեզի հարակից տարածքում կայանված քաղաքացիական անձին պատկանող ավտոմեքենան:

Միջադեպի առնչությամբ համապատասխան տեղեկատվություն է տրամադրվել ռուսական խաղաղապահ զորակազմի հրամանատարությանը և ձեռնարկվել են միջոցներ՝ ադրբեջանական կողմին հրադադարի պահպանման ռեժիմին վերադարձնելու ուղղությամբ:

Continue Reading
Քաղաքականություն7 months ago

Պոլսո Հայոց Պատրիարքը մեկնաբանել է Հայաստան-Թուրքիա հարաբերությունների կարգավորման գործընթացը

Քաղաքականություն7 months ago

Պեսկովը մեկնաբանել է Էրդողանի առաջարկը Ռուսաստանի և Ուկրաինայի նախագահների հանդիպումը կազմակերպելու մասին

Քաղաքականություն7 months ago

Դժվար է հավատալ տեսածին, որ կոռուպցիան «ծվարել» է Նիկոլ Փաշինյանի աշխատասենյակի պատի տակ.

Քաղաքականություն7 months ago

Ինչ է ՌԴ-ն ակնկալում բոլոր արտաքին ուժերից

Քաղաքականություն7 months ago

Թուրքիան չի ցանկանում հայկական կողմի հետ հանդիպումները շարունակել 3-րդ երկրում

Բլոգ7 months ago

Որոշ պարզաբանումներ Քրիստոսի արձանի թեմայով. Գագիկ Ծառուկյան

Քաղաքականություն7 months ago

Ռուսաստանը աջակցում է ԵԱՀԿ Մինսկի խմբի համանախագահների աշխատանքի շարունակմանը. Զախարովան՝ Ալիևի հայտարարության մասին

Քաղաքականություն7 months ago

ԱՄՆ Ներկայացուցիների պալատը խիստ մտահոգված է ռազմագերիների ճակատագրով

Քաղաքականություն7 months ago

Մարդն ամբողջ կյանքն ուսուցիչ է աշխատել և հիմա որոշել է դառնալ պարեկային ոստիկան. Նիկոլ Փաշինյան

Քաղաքականություն7 months ago

Մարդը, ով չի կարողացել ավարտել Երևանի պետհամալսարանը, ատելությամբ է լցված կրթության նկատմամբ. Էդգար Ղազարյան

Քաղաքականություն7 months ago

Մի բան է Ալիևի մոտեցումը, մեկ այլ բան՝ իրականությունը. Միրզոյան

Քաղաքականություն7 months ago

«Ուշադիր նայում են իրար»՝ հայերն ու ադրբեջանցիները Ղարաբաղում պատերազմից հետո

Քաղաքականություն7 months ago

Եվրոպան կորցնում է իր դերը, ԵՄ-ն միջազգային հարաբերություններում օբյեկտի է վերածվում. Ստեփան Դանիելյան

Քաղաքականություն7 months ago

«Մենք չունենք սահման, մենք ունենք շփման գիծ, Էսա մեր վիճակը»․ Դավիթ Բաբայան

Քաղաքականություն7 months ago

Իշխանությունը փորձում է օրենքը ձևախեղել, որովհետև ընդդիմության թեկնածուն իր սրտով չէ. Էլինար Վարդանյան

Բլոգ7 months ago

Հայտնի է, ում հետ է ամուսնանալու Սուրեն Պապիկյանը (լուսանկար)

Քաղաքականություն7 months ago

Ի՞նչ հուշ երեկո, սպանեցիք հիմա էլ թե բա հուշ երեկո․ Զոհվածի մայր

Քաղաքականություն7 months ago

ԱՄՆ-ն ողջունում է Հայաստանի և Թուրքիայի միջև երկխոսությունը

Քաղաքականություն7 months ago

Առաջնահերթ համարվող բոլոր խնդիրները փորձում են փակել կենցաղն առաջ բերելով․ Տիգրան Աբրահամյան

Քաղաքականություն7 months ago

Բացահայտվում են կառավարության թաքուն գործարքները. «168 ժամ»

Քաղաքականություն7 months ago

Ինչու՞ է Փաշինյանը զինել ոստիկաններին գերժամանակակից զենքերով․ ու՞մ դեմ․ Վան Համբարձումյան

Քաղաքականություն8 months ago

Տեսանյութ․ Արայիկ Հարությունյանը իր բիզնեսները տեղափոխել է Ռուսաստան․ 400 մլն դոլարը պատրաստվում են մսխել

Քաղաքականություն8 months ago

Տեսանյութ․ Փաշինյանը 3,5 մլրդ դոլարի պարտք է վերցրել և 2 մլրդ դոլարի դրամ է տպել․ պայթյուն է լինելու

Քաղաքականություն8 months ago

Տեսանյութ․ Փաշինյանը փրկեց գերի ընկած ադրբեջանցիներին, իսկ հայ գերիները Բաքվում կդատվեն․ ի՞նչ է կատարվել

Քաղաքականություն8 months ago

Տեսանյութ. ԱՄՆ-ն նոր սառը պատերազմ է հրահրում․ Հայաստանը չպետք է մասնակից դառնա այս արկածախնդրությանը

Քաղաքականություն8 months ago

Տեսանյութ․ Մարությանը կձերբակալվի, նա չի կարող ասել Ты кто такой? Давай, до свидания. Հովհաննես Շահինյան

Քաղաքականություն8 months ago

Տեսանյութ․ Փաշինյանը սարսափում է, երբ խոսում են իր հրաժարականի մասին

Բլոգ8 months ago

Ռեմբո ենք ուզում, գերի հանձնվելը վատ է, չհանձնվելը՝ ինքնասպանություն. Արծրուն Հովհաննիսյան

Բլոգ8 months ago

Փաշինյանը տեղեկացել է Սիմոնյանի և ռուսների գաղտնի բանակցությունների մասին. նոր կոմպրոմատներ կլինեն

Քաղաքականություն8 months ago

Սերժ Սարգսյանը կհեռանա՞ ՀՀԿ նախագահի պաշտոնից․ ինչ սպասել դեկտեմբերի 18-ի համագումարից

Բլոգ8 months ago

Թիմակիցներից մեկն էլ կարող է հենց գնդակահարել իրեն․ Փաշինյանի նկատմամբ որս է սկսելու

Քաղաքականություն8 months ago

Նոր միութենական պետություն կլինի․ եթե պետք լինի Ռուսաստանը ուժով Հայաստանին կտանի

Քաղաքականություն8 months ago

Տեսանյութ. Պետք է բռունցքով տային Լիպարիտյանի մռթին․ Թուրքիան ամսական երևի 10-15 միլիոն դոլար կաշառք է բաժանում

Քաղաքականություն8 months ago

Տեսանյութ. Ինչու էին թուրքերը Փաշինյանի անունը դրել «Շակալ». Փաշինյանի նկատմամբ որս կլինի

Բլոգ8 months ago

Արսեն, ինձ սպшնելու են. Մամեդյարովը զանգել է Ավակովին

Քաղաքականություն8 months ago

Նիկո՛լ, տես քո համար հատուկ ինչ եմ գնել. Արիանա Հովսեփյան

Քաղաքականություն8 months ago

Դուք բանակի զուգարաններից դուրս չեք եկել, մեր տղերքին դասալիք ե՞ք անվանում. Անդրանիկ Հովհաննիսյան

Քաղաքականություն8 months ago

Բա որ էդքան կայիք, ինչի՞ Գյումրիի կամավորներին հանձնեցիք թուրքին. նախկին գործարար

Քաղաքականություն8 months ago

Նիկոլը գիտի, որ Բաքվում իր որդուն եթե ոչ աղուհացով, նվերներով հաստատ կդիմավորեն․ Արտաշես Գեղամյան

Բլոգ8 months ago

Տղամա՞րդ ես, կանգնի մի բան ասա, ա՛յ պրեզիդենտ, էսքան զոհերը ո՞ւմ վզին են. Ռուբեն Հախվերդյան

Օրացույց

March 2021
M T W T F S S
1234567
891011121314
15161718192021
22232425262728
293031  

Facebook

Trending